Dzıýdodan Azııa chempıonaty: Qazaqstan quramasy 4-orynda keledi
NUR-SULTAN. QazAqparat - Elordada ótip jatqan dzıýdodan Azııa birinshiliginde ekinshi jarys kúninen keıin el quramasy jalpy komandalyq esepte qaı orynda kele jatqany belgili boldy, dep habarlaıdy QazAqparat tilshisi.
Qazirgi deıin qazaqstandyq sportshylar 1 altyn, 1 kúmis, 2 qola medal aldy. Nátıjesinde olar jalpy komandalyq esepte tórtinshi orynda tur.
El quramasynan Danııar Shamshaev (73 keli) altyn, Abıba Abýjakynova (48 keli) kúmis, Maǵjan Shámshadın pen Ǵusman Qyrǵyzbaev (66 keli) qola medal aldy.
Bul boıynsha Japonııa 8 (5-3-0) medalmen birinshi orynda keledi. Odan keıingi oryndardaǵy Mońǵolııanyń 5 (2-0-3), Ózbekstannyń 7 (1-2-4) medali bar.
Aıta keterligi, ekinshi jarys kúnindegi nátıje boıynsha barlyǵy toǵyz elden balýandar júldege qol jetkizdi. Olardyń qataryna atalǵan quramalardan ózge Ońtústik Koreıa, Qytaı, Tájikstan, Taıvan, Qyrǵyzstan, Birikken Arab Ámirligi sportshylary engizilgen.
Aıta keteıik, qurlyqtyq doda 7 tamyz kúni máresine jetedi.
Jekeleı synnyń sońǵy jarys kúninde erler arasynda 90, 100 jáne 100-den joǵary salmaqtaǵy balýandar, áıelder arasynda 78 jáne 78 keliden joǵary salmaqtaǵy sportshylar beldesedi.
Atalǵan dodada Azııanyń 19 elinen kelgen 200-den astam balýan 14 salmaqta baq synaýda. Olardyń qatarynda elimizdiń atynan 18 balýan qatysyp jatyr.
Foto: olympic.kz
