Dzıýdodan Azııa chempıonatynda Qazaqstan quramasy 12 qyrkúıekte 5 medal aldy

ASTANA. KAZINFORM - Dzıýdodan Qazaqstan jasóspirimder quramasy Azııa chempıonatynyń ekinshi kúninde 1 altyn, 1 kúmis jáne 3 qola medal jeńip aldy. El quramasynan Іnjý Jumajan (57 keli) altyn, Toǵjan Tólebaı (70 keliden joǵary) kúmis alsa, Erasyl Bolatbek (81 keli), Uldana Qojanazarova (70 keli), Erdáýlet Jumabaı (90 keli) qola júldeger atandy.

Aıta ketsek, budan buryn 11 qyrkúıekte el quramasynan Farhat Zeınolla (50 keli) chempıon atansa, Beknur Amangeldi (55 keli), Tańjaryq Momyntaı (60 keli), Zamanbek Baqtyǵalı (66 keli) kúmis medal aldy.

Al Ábish Perdaly (50 keli), Aslan Erǵalıev (55 keli), Zere Talǵatqyzy (40 keli), Aıajan Rınatqyzy (48 keli) jáne Janaıym Maratbek (52 keli) úzdik úshtikti túıindedi.

Osylaısha, Qazaqstan quramasy jalpy sany 2 altyn, 4 kúmis jáne 8 qola júldemen jalpy medal kestesinde 3-shi orynǵa jaıǵasty. 

Aıta keterligi, jasóspirimder arasyndaǵy Azııa chempıonaty Indonezııa astanasy Djakarta qalasynda ótip jatyr. Qurlyqtyq birinshilikke 21 elden 200-ge jýyq tatamı sheberi baq synaýda.