Dzıýdodan Azııa chempıonatyn Qazaqstan jasóspirimder quramasy sátti bastady

ASTANA. KAZINFORM - Dzıýdodan Qazaqstan jasóspirimder quramasy Indonezııa astanasy Djakarta qalasynda Azııa chempıonatyn sátti bastady.

Qurlyqtyq dodanyń alǵashqy jarys kúninde el quramasy qorjynyna 1 altyn, 3 kúmis jáne 5 qola tústi.

El quramasynan Farhat Zeınolla (50 keli) chempıon atansa, Beknur Amangeldi (55 keli), Tańjaryq Momyntaı (60 keli), Zamanbek Baqtyǵalı (66 keli) kúmis medal aldy.

Al Ábish Perdaly (50 keli), Aslan Erǵalıev (55 keli), Zere Talǵatqyzy (40 keli), Aıajan Rınatqyzy (48 keli) jáne Janaıym Maratbek (52 keli) úzdik úshtikti túıindedi.

Qurlyqtyq doda 10-14 qyrkúıek aralyǵynda ótedi.

Eske salsaq, budan buryn Bolgarııa astanasy Sofııa qalasynda kadetter arasynda dzıýdodan álem chempıonatynda qazaqstandyq balýandar bes medal aldy.