Dzıýdodan Azııa chempıonaty: Qazaqstan quramasy jartylaı fınalǵa ótti
ASTANA. KAZINFORM - Búgin Qytaıdyń Ordos qalasynda ótip jatqan dzıýdodan Azııa chempıonatynyń sońǵy jarys kúninde komandalyq básekeler ótip jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Jartylaı fınal joldamasy úshin talasqa túsken Ulttyq qurama jarys qojaıyndary – Qytaı quramasyn 4:2 esebimen jeńdi.
Komanda sapynda Eset Qýanov, Aıda Toıshybekova, Dana Ábdirova, Ajar Ashat, Aıbol Nysanáli, Ǵalymjan Qyryqbaı óner kórsetti.
Jartylaı fınalda Qazaqstan quramasy Koreıa – BAÁ jubynyń jeńimpazymen kezdesedi.
Aıta keteıik, dzıýdoshy Arýna Jangeldına Qytaıdaǵy Azııa chempıonatynda qola medalǵa ıe boldy.
