Dzıýdodan Azııa birinshiliginiń úshinshi kúni: Qazaqstandyqtar 4 medal aldy
NUR-SULTAN. QazAqparat - Dzıýdodan Azııa birinshiliginde úshinshi jarys kúninde qazaqstandyq balýandar bir kúmis, úsh qola medal aldy, dep habarlaıdy QazAqparat tilshisi.
Qazaqstandyq Islam Bozbaev 100 keli salmaqta Birikken Arab Ámirliginen kelgen Djafar Kostoevqa jol berdi. Ol qarsylasyna nebári bir upaımen jeńildi.
Sondaı-aq búgin el quramasynan Nurlyhan Sharhan (100 keli), Dıdar Hamza (90 keli) jáne Arýna Jangeldına (78 keli) qola júldeger atandy.
Eske salaıyq, buǵan deıin Danııar Shamshaev (73 keli) altyn, Abıba Abýjaqynova (48 keli) kúmis, Maǵjan Shámshadın men Ǵusman Qyrǵyzbaev (66 keli) qola medal alǵan edi.
Azııa birinshiligi búgin máresine jetti.
Qurlyqtyq dodada Azııanyń 19 elinen kelgen 200-den astam balýan 14 salmaqta baq synady. Olardyń qatarynda elimizdiń atynan 18 balýan qatysty.
