Dzıýdodan áskerıler arasynda ÁCh: Qazaqstan erler quramasy tuńǵysh ret qola júldeger atandy

ASTANA. KAZINFORM – Tashkent qalasynda dzıýdodan áskerı qyzmetshiler arasynda máresine jetken álem chempıonatynda Qazaqstan erler quramasy komandalyq jarysta qola júldeger atandy.

Bul – Qazaqstan erler quramasynyń áskerıler arasynda álem chempıonatyndaǵy komandalyq syndaǵy tuńǵysh medali. Qazaqstan dzıýdo federatsııasynyń baspasóz qyzmetinen málim etkenindeı, jubanysh fınalynda Qazaqstan quramasy Italııa komandasyn 3:1 esebimen jeńdi.

Qazaqstan quramasy jerebe boıynsha V tobyna tústi. Alǵashqy aınalymda Frantsııa quramasyn 4:1 esebimen tize búktirdi. Ekinshi aınalymda Ońtústik Koreıa quramasyna 2:3 esebimen jol berdi. Qarsylas komandanyń fınalǵa joldama alýyna baılanysty Qazaqstan eki jubanysh beldesýin ótkizdi. Jubanysh kezdesýinde Ispanııa men Aljır quramasyn 3:0 esebimen utqan Qazaqstan quramasy jarystyń qola júldesi úshin kúresýge múmkindik aldy.

Eske sala keteıik, budan buryn Nurqanat Serikbaevtyń áskerıler arasynda álem chempıony atanǵanyn jazǵan bolatynbyz.

Qazaqstan qorjynyna taǵy qos medal tústi.