Dzıýdodan áli «altyn» alamyz dep úmittenemiz – bas bapker
«Kóńil kúıim, árıne, jaqsy. Búgin dzıýdoshylar úshin Olımpıada oıyndary bastaldy. Árıne osy Olımpıada oıyndaryna «altyn» alamyz degen úmitpen kelgenbiz. Eldos altyn alady ǵoı de oılaǵan edik. Biraq, qola medal buıyryp tur eken. Oǵan da rahmet», - dedi bas bapker BAQ ókilderiniń saýalyna tikeleı baılanys arqyly bergen jaýabynda.
Dzıýdoshy jigitterdiń bapkeri alda taǵy tqrt shákirtiniń tatamıge shyǵatynyn eske salyp, solardyń bári altyn medal arqalaıdy dep senip otyrǵanyn atap ótti.
«Endi Eldostan da bólek taǵy tórt sportshymyz bar. Áli solar básekege túsedi. Sondyqtan, sol sportshylarymyz áli bizdi qýantady degen senimdemiz. Alla qalasa, «altyn» bolady degen senimdemiz», - dedi Ǵalymjan Jylgeldıev.
Eske salsaq, búgin Tokıo tórindegi tatamıde 60 keli salmaq boıynsha beldesken Eldos Smetov Qazaqstan qorjynyna alǵashqy medaldi salǵan bolatyn. Eldos Smetov kelesi Olımpıadaǵa qatysý múmkindigine qatysty pikir bildirdi. Jáne ol osy jeńisi úshin qoldan kelgenniń bárin jasaǵanyn jetkizdi.
