Dzıýdodan álemdik Gran-prı: qazaqstandyq sportshylar jeńis tuǵyrynyń úsh birdeı ornyn alyp qoıdy

Atap aıtqanda, Eldos Smetov altynnan alqa taqsa, fınaldyq beldesýde odan utylǵan Aıbek Imashevti kúmis medaldi enshiledi. Al Rýstam Ibraev pen Ashat Telmanov úshinshi oryndy ózara bólisip, qola júldege ıe boldy. «Men ózim álem birinshiliginde (Rıo-de-Janeıro qalasynda ótken dzıýdodan Álem chempıonaty - avt.) osyndaı jetistikke jetpegenim úshin halqymnan keshirim suraımyn. Kelesi jyly Chelıabi qalasynda bolatyn Álem chempıonatynda jeńis tuǵyrynan taǵy kórinip, Qazaqstannyń kók baıraǵyn jelbiretemin dep senemin», - dedi altyn alqa ıegeri Eldos Smetov «KAZsport» telearnasyna bergen suhbatynda.

Aıta keteıik, Almaty qalasynda ótip jatqan dzıýdodan álemdik Gran-prı jarystaryn «KAZsport» telearnasy tikeleı efır arqyly kórsetti.