Dzıýdodan álem chempıonatynyń medal kestesinde Qazaqstan neshinshi orynda tur
ASTANA. QazAqparat - Ózbekstan astanasy Tashkent qalasynda ótken dzıýdodan álem chempıonatynda Qazaqstan quramasynyń medaldar kestesinde qaı oryn alǵany belgili boldy, dep habarlaıdy QazAqparat tilshisi.
Dúbirli dodada el quramasynan Eldos Smetov (60 keli), Ábıba Abýjaqynova (48 keli) qola medal alǵan bolatyn.
Medaldar kestesinde qazaqstandyq dzıýdoshylar dál sondaı kórsetkishke jetken Ońtústik Koreıa, Nıderland, Ázerbaıjanmen birge 15-18 oryndardy ózara bólisip tur.
Medaldar kestesinde Japonııa 12 (5 altyn, 4 kúmis, 3 qola) medalmen kósh basynda tursa, ekinshi jáne úshinshi oryndardaǵy Brazılııanyń 4 (2-1-1), Ózbekstannyń 2 (2-0-0) medali bar.
Álem chempıonatyna elimizdiń atynan 17 sportshy qatysty. Onyń 9-y erler, 8-i áıelder arasynda synǵa tústi.
Sondaı-aq, búgin qazaqstandyq dzıýdoshylar komandalyq saıysta alǵashqy aınalymda Nıderland quramasyna 3:4 esebimen jol berdi.
Foto: olympic.kz/ Salı Sabırov
