Dzıýdodan álem chempıonatynda búgin qazaqstandyq eki balýan saıysqa túsedi
ASTANA. QazAqparat - Búgin, 7 qazanda Ózbekstan astanasy -Tashkentte ótip jatqan dzıýdodan álem chempıonatynda qazaqstandyq eki balýan saıysqa túsedi, dep habarlaıdy QazAqparat tilshisi.
Búgin tatamıge erlerden Ǵusman Qyrǵyzbaev (66 keli) shyǵady. Al áıelderde Gaýhar Irmaǵambetova (52 keli) synǵa túsedi.
Dúbirli doda 6-13 qazan aralyǵynda ótedi. Onda elimizdiń atynan barlyǵy 17 sportshy qatysady. Onyń 9-y erler, 8-i áıelder arasynda synǵa túsedi.
Іrikteý beldesýleri 6-13 qazan saǵat 11:30-da bastalyp, «Qazsport» telearnasynan tikeleı efırde kórsetiledi.
Eske salsaq, budan el quramasynan Eldos Smetov álem chempıonatynyń qola júldegeri atandy.
Sondaı-aq Ábıba Abýjaqynova dzıýdodan álem chempıonatynda úshinshi orynǵa kóterildi.
Ashyq kózderden alynǵan foto
