Dzıýdodan álem chempıonatyna qatysatyn Qazaqstan quramasy anyqtaldy
ASTANA. QazAqparat – Dzıýdodan Qatar astanasy Dohada ótetin álem chempıonatyna qatysatyn Qazaqstan quramasy anyqtaldy, dep habarlaıdy QazAqparat tilshisi.
QR Dzıýdo federatsııasynyń baspasóz qyzmetinen málim etkendeı, álem birinshiligi 7-14 mamyr kúnderi ótedi dep josparlanǵan.
Qazirgi tańda ulttyq qurama sportshylary álem chempıonaty aldyndaǵy qorytyndy oqý-jattyǵý jıynyna qatysyp jatyr.
Dohada ótetin dzıýdodan erler men áıelder arasyndaǵy álem chempıonatyna qatysatyn Qazaqstan quramasynyń tizimi kelesideı:
Erler:
60 keli: Eldos Smetov, Nurqanat Serikbaev
66 keli: Ǵusman Qyrǵyzbaev
73 keli: Jansaı Smaǵulov, Danııar Shamshaev
81 keli: Abylaıhan Jubanazar
90 keli: Dıdar Hamza, Aıdar Arapov (mix team)
100 keli: Nurlyhan Sharhan
100 keliden joǵary salmaq dárejesi: Ǵalymjan Qyryqbaı
Áıelder:
48 keli: Abıba Ábýjaqynova, Ǵalııa Tynbaeva
52 keli: Tolǵanaı Ábeýova
57 keli: Baqyt Qusaqbaeva
63 keli: Esmıgýl Kýıýlova
70 keli: Anastasııa Maıakova
78 keli: Arýna Jangeldına
78 keliden joǵary salmaq dárejesi: Kamıla Berliqash, Aqerke Ramazanova
Esterińizge sala keteıik, Dohada ótetin álem chempıonaty Parıj Olımpıadasy aldyndaǵy sońǵy álem birinshiligi bolyp sanalady.
Jarys nátıjesi boıynsha sportshylardyń álem jáne Olımpıada reıtıngterine tıisti upaılar úlestiriledi.
Atap aıtqanda, álem chempıony – 2000, kúmis júldeger – 1400, al qola júldeger 1000 upaıdan enshileıdi.
