Dzıýdodan álem chempıonatyna qatysatyn Qazaqstan quramasy anyqtaldy
ASTANA. QazAqparat – 6-13 qazanda Ózbekstan astanasy Tashkentte dzıýdodan ótetin álem chempıonatyna qatysatyn Qazaqstan quramasy anyqtaldy, dep habarlaıdy QazAqparat tilshisi.
Qazaqstan dzıýdo federatsııasynan málim etkendeı, erler arasynda 60 kelige deıingi salmaqta el namysyn eki dúrkin Olımpıada júldegeri Eldos Smetov pen Maǵjan Shamshadın qorǵaıdy.
Sondaı-aq, Ǵusman Qyrǵyzbaev (66 kg), Danııar Shamshaev (73 kg), Abylaıhan Jubanazar (81 kg), Dıdar Hamza (90 kg), Islam Bozbaev pen Sharhan Nurlyhan (100 kg), Erasyl Qajybaev (+100 kg) dúnıejúzilik dodada baq synaıdy.
Áıelder quramasynda Ábıba Abýjaqynova (48 kg), Gaýhar Irmaǵambetova (52 kg), Sevara Nıshanbaeva (57 kg), Móldir Narynova men Esmıgúl Kýıýlova (63 kg), Anastasııa Maıakova (70 kg), Arýna Jangeldına (78 kg) jáne Kámıla Berliqash (+78 kg) tatamıge shyǵady.
Aıta ketsek, b ıyl qurama kóshbasshysy Eldos Smetov 66 kelige deıingi salmaqta baq synaǵan bolatyn. Endi álem chempıonatynda óziniń tól salmaǵynda básekege túsedi.
