Dzıýdodan álem chempıonatyna baratyn Qazaqstan quramasy anyqtaldy
ASTANA. QazAqparat - Qatarda ótetin dzıýdodan álem birinshiliginde synǵa túsetin Qazaqstan quramasy belgili boldy, dep habarlaıdy QazAqparat tilshisi.
Álemdik dodada el namysyn 19 dzıýdoshy qorǵaıdy. Olardyń 10-y erler, 9-y áıelder quramasynda tatamıge shyǵady.
Erler quramasynda Eldos Smetov (60 keli), Nurqanat Serikbaev (60 keli), Ǵusman Qyrǵyzbaev (66 keli), Jansaı Smaǵulov (73 keli), Danııar Shamshaev (73 keli), Abylaıhan Jubanazar (81 keli), Dıdar Hamza (90 keli), Nurlyhan Sharhan (100 keli), Ǵalymjan Qyryqbaı (100 keliden joǵary) jáne Aıdar Arapov (90 keli, mix team - aralas komanda) bar.
Al qyzdarda Abıba Abýjaqynova (48 keli), Ǵalııa Tynbaeva (48 keli), Tolǵanaı Ábeýova (52 keli), Baqyt Qusaqbaeva (57 keli), Esmıgýl Kýıýlova (63 keli), Anastasııa Maıakova (70 keli), Arýna Jangeldına (78 keli), Kamıla Berliqash (78 keliden joǵary), Aqerke Ramazanova (78 keliden joǵary) synǵa túsedi.
Álem chempıonaty 7-14 mamyr aralyǵynda ótkiziledi. Oǵan 99 memleketten 670-den astam sportshy keledi dep kútilýde.
Eske salsaq, budan buryn paradzıýdodan Qazaqstan quramasy Azııa chempıony atandy.
