Dzıýdodan álem chempıonaty: Jeńimpazdar ulttyq naqyshtaǵy medalmen marapattalady
NUR-SULTAN. QazAqparat – Almatyda dzıýdodan jasóspirimder arasyndaǵy álem chempıonatynyń medali tanystyryldy, dep habarlaıdy QazAqparat tilshisi.
Bul týraly búgin QR Dzıýdo federatsııasynyń baspasóz qyzmeti habarlady.
«Dúnıejúzilik birinshiliktiń jeńimpazdary men júldegerleri ulttyq naqyshta órnektelgen medaldarmen marapattalady», - delingen habarlamada.
Aıta keteıik, Almatyda ótetin álemdik doda 25 qyrkúıek kúni bastalady. 25-29 qyrkúıek kúnderi ótetin jasóspirimder arasyndaǵy álem chempıonatyna 64 elden 500-ge jýyq jas tatamı sheberi qatysady dep josparlanǵan.
Esterińizge sala keteıik, osyǵan deıin atalǵan dodada el namysyn kimder qorǵaıtynyn jáne jarys kestesin jarııalaǵan bolatynbyz.
