Dzıýdodan Álem chempıonaty: Taǵy bir qazaqstandyq «qola» aldy
ALMATY. QazAqparat – Almatyda dzıýdodan jasóspirimder arasynda ótip jatqan Álem chempıonatynda taǵy bir qazaqstandyq sportshy qola júldeger atandy, dep habarlaıdy QazAqparat tilshisi.
Qazaqstannyń dzıýdo federatsııasynan málim etkenindeı, jarystyń úshinshi kúni tatamıge shyqqandardan tek Aıdar Arapov qana júldege ilikti.
A.Arapov 81 kelige deıingi salmaqta synǵa túsip, jartylaı fınalda ýkraınalyq Tımýr Valıevke ese jiberdi. Degenmen, qola júlde úshin básekede qarsylasynan basym tústi.
Osy salmaqta taǵy bir qazaqstandyq Muhammedalı Mavlıdovtiń qolaǵa qol iliktiretindeı múmkindigi boldy. Alaıda, ol jubanysh beldesýinde serbııalyq Radýldj Mıldjannan jeńilip qalyp, chempıonatty jetinshi orynmen aıaqtady.
Eske sala keteıik, budan buryn Qazaqstan qorjynyna taǵy eki medal túskenin jazǵan bolatynbyz.
Qazirgi kezde Qazaqstan quramasy 1 altyn, 4 qola medal alyp otyr.
Dúnıejúzilik doda 29 qyrkúıek kúni márege jetedi.
