Dzıýdodan álem chempıonaty: El quramasynan búgin Jansaı Smaǵulov kúresedi
ASTANA. QazAqparat - Katarda ótip jatqan dzıýdodan álem chempıonatynda el quramasynan 9 mamyrda synǵa túsetin sportshylardyń qarsylastary anyqtaldy, dep habarlaıdy QazAqparat tilshisi.
El quramasynan erler arasynda 73 keli salmaqta Jansaı Smaǵulov pen Danııar Shamshaev tatamı tórinde talasqa túsedi.
Al áıelderde Baqyt Qusaqbaeva (57 keli) jarys jolyna shyǵady.
Qazaqstandyq Jansaı Smaǵulov alǵashqy beldesýinde reseılik Mahmadbek Mahmadbekovpen kezdesse, Danııar Shamshaev túrkııalyq Ýmalt Demırelmen saıysqa shyǵady.
Al Baqyt Qusaqbaevanyń alǵashqy irikteý kezeńindegi qarsylasy - jańazelandııalyq Kona Krıstı.
Aıta ketsek, 8 mamyrda Ǵusman Qyrǵyzbaev (60 keli) 1/8 fınalda jeńilse, Tolǵanaı Ábeýova (52 keli) alǵashqy irikteý kezeńinen asa almady.
Al 7 mamyrda 60 kelige deıingi salmaqta Eldos Smetov 1/8 fınaldan asa almasa, Nurqanat Serikbaev jetinshi orynmen aıaqtady. Bul kúni áıelderde 48 kelide Abıba Ábýjaqynova jarysty besinshi orynmen aıaqtasa, Ǵalııa Tynbaeva 1/8 fınalǵa deıin jetti.
