Dzıýdodan álem chempıonaty: Búgin tatamıge kimder shyǵady
ASTANA. QazAqparat - Vengrııanyń astanasy Býdapesht qalasynda dzıýdodan ótip jatqan álem chempıonatynyń ekinshi kúni tatamıge eki qazaqstandyq sportshy shyǵady, dep habarlaıdy QazAqparat tilshisi.
Olar - 66 keli salmaqta el namysyn qorǵaıtyn Eldos Jumahanov pen Azamat Muqanov. Ekeýi de tájirıbeli dzıýdoshylar. Jarys Astana ýaqytymen saǵat 14:00-de bastalady. Al áıelder 52 keli salmaqta synǵa túsedi. Biraq, búgin beldesetin balýandar qatarynda qazaqstandyq arýlarymyz joq.
Esterińizge sala keteıik, keshe birinshiliktiń alǵashqy kúni 48 keli áıelder arasynda synǵa túsken otandasymyz Otgontsetseg Galbadrah Qazaqstanǵa áıelder arasynan tuńǵysh álem chempıonatynyń júldesin alyp berdi. Aıta keterligi, buǵan deıin dzıýdodan Qazaqstan áıelder quramasy álem birinshiliginde birde-bir medalǵa qol jetkize almaǵan bolatyn.
Sondaı-aq, keshe erler arasynda 60 kelige deıingi salmaqta el namysyn qorǵaǵan Eldos Smetov pen Ǵusman Qyrǵyzbaev qola júlde úshin ótkizgen jubanysh beldesýlerinde qarsylastaryna ese jiberip, jarysty besinshi orynmen aıaqtady.
