Dzıýdodan Álem chempıonatynda alǵashqy jarys kúninde Ǵusman Qyrǵyzbaev saıysqa túsedi

ASTANA. KAZINFORM — Majarstan astanasy Býdapeshtte ótetin dzıýdodan Álem chempıonatynda Qazaqstan quramasynan alǵashqy jarys kúni, 13 mamyrda kimderdiń shaǵytyny belgili boldy.

El quramasynan tatamıge byltyrǵy álem chempıonatynyń qola júldegeri Ábıba Ábýjaqynova (48 keli) shyǵady. Al odan keıin Parıj Olımpıadasynyń qola júldegeri Ǵusman Qyrǵyzbaev (66 keli) saıysqa túsedi.

Aıta ketsek, ulttyq qurama Majarstanda sońǵy jattyǵý jumystaryn ótkizdi.

Dzıýdodan álem chempıonaty 13-20 maýsym aralyǵynda ótedi. Qazaqstan sapynan eldiń úzdik 12 dzıýdoshysy baq synaıdy.

Dúbirli doda 13-20 maýsym aralyǵynda ótkiziledi. Onda 92 elden kelgen 566 sportshy 14 salmaqta júldege talasady.

Erler quramasynda Maǵjan Shamshadın, Sherzod Davlatov (60 keli), Ǵusman Qyrǵyzbaev (66 keli), Eset Qýanov (73 keli), Abylaıhan Jubanazar (81 keli), Meıirlan Maksım (90 keli), Nurlyhan Sharhan men Marat Baıkamýrov (100 keli), Erasyl Qajybaev (100 keliden joǵary) el namysyn qorǵaıdy.

Al áıelder quramasynan Ábıba Ábýjaqynova men Ǵalııa Tynbaeva (48 keli), Esmıgúl Kýıýlova (63 keli) tatamı tórinde synǵa túsedi. Sondaı-aq týrnır aıasynda komandalyq jarys uıymdastyrylady.

Eske salsaq, budan buryn Astanada ótken dzıýdodan Qazaqstan Barysy Grand Slam týrnırinde qazaqstandyq balýandar toǵyz medal enshiledi.