Dzıýdodan álem chempıonatyna qatysatyn qazaqstandyq balýandar belgili boldy

ASTANA. KAZINFORM - Dzıýdodan 2025 jylǵy álem chempıonaty Vengrııa astanasy Býdapesht qalasynda ótedi.

Elimizdiń dzıýdo quramasynyń bapkerleri oǵan qatysatyn qazaqstandyq balýandardyń tizimi jarııalady. 

Erler quramasynda Maǵjan Shamshadın jáne Sherzod Davlatov (60 keli), Ǵusman Qyrǵyzbaev (66 keli), Eset Qýanov (73 keli), Abylaıhan Jubanazar - (81 keli), Meıirlan Maksım (90 keli), Nurlyhan Sharhan jáne Marat Baıqamurov (100 keli) jáne Erasyl Qajybaev (100 keli) synǵa túsedi.

Al áıelder quramasynda Ábıba Ábýjaqynova jáne Ǵalııa Tynbaeva (48 keli), Baqyt Qusaqbaeva (57 keli) jáne Esmıgúl Kýıýlova (63 keli) tatamıde tartysqa túsedi.

Álem chempıonaty 13-19 maýsym aralyǵynda ótedi. Sondaı-aq, týrnır aıasynda komandalyq jarys uıymdastyrylady.

Eske salsaq, budan buryn Astanada ótken dzıýdodan Qazaqstan Barysy Grand Slam týrnırinde qazaqstandyq balýandar toǵyz medal enshiledi. 

Halyqaralyq týrnırde el quramasynan Ǵusman Qyrǵyzbaev (66 keli), Erasyl Qajybaev (100 keliden joǵary), Talǵat Orynbasar (60 keli) ekinshi orynǵa taban tirese, Maǵjan Shamshadın (60 keli), Aman Baqytjan (60 keli), Abylaıhan Jubanazar (81 keli), Eset Qýanov (73 keli), Baqjan Baıtas (100 keli), Marat Baıqamurov (100 keli) qola júldeger atandy.