Dzıýdodan álem chempıonaty: 17 maýsymda el quramasynan Meıirlan Maksım synǵa túsedi

ASTANA. KAZINFORM — Majarstan astanasy Býdapeshtte ótip jatqan dzıýdodan Álem chempıonatynda Qazaqstan quramasynan búgin, 17 maýsymda Meıirlan Maksım (90 keli) synǵa túsedi.

Alǵashqy aınalymda ol frantsııalyq Aleksıs Matemen sheberlik baıqasady.
Beldesý qazaqstandyq ýaqytpen 14:00–ge belgilengen.

Sondaı-aq 18 maýsymda Nurlyhan Sharhan (100 keli) jáne Marat Baıkamýrov (100 keli), 19 maýsymda Erasyl Qajybaev (100 keliden joǵary) júldeni sarapqa salady.

Qazirge deıin álem chempıonatynda el quramasynan Ábıba Ábýjaqynova (48 keli) kúmis júldeger atansa, Maǵjan Shamshadın (60 keli), Sherzod Davlatov (60 keli), Ǵalııa Tynbaeva (48 keli), Ǵusman Qyrǵyzbaev (66 keli), Eset Qýanov (72 keli), Esmıgúl Kýıýlova (63 keli), Abylaıhan Jubanazar (81 keli) jarysty erte aıaqtady.

Dzıýdodan álem chempıonaty 13-20 maýsym aralyǵynda ótedi. Onda 92 elden kelgen 566 sportshy 14 salmaqta júldege talasady.