Dzıýdodan álem birinshiligin Qazaqstan erler quramasy júldesiz aıaqtady

ASTANA. KAZINFORM – Dzıýdodan Ábý-Dabıde ótip jatqan álem chempıonatynda Qazaqstan erler quramasy birde-bir júlde ala almady. 

Ulttyq olımpıadalyq komıtettiń málimetinshe, búgin tatamıge shyqqan sportshynyń barlyǵy da jeńilis tapqan.

Atap aıtar bolsaq, 100 kelige deıingi salmaqta baq synaǵan Nurlyhan Sharhan danııalyq Denıel Eıchke ese jiberdi. +100 keli salmaqtaǵy Erasyl Qajybaev bahreındik Azamat Chotchaevtan jeńildi. +78 kelidegi Kamıla Berliqash ekinshi aınalymda qytaılyq sportshyǵa jol berdi. 

Osylaısha, Qazaqstan quramasy dzıýdodan álem birinshiligin 1 qola medalmen aıaqtap otyr. 48 kelidegi Abıba Ábýjaqynova ǵana júldege ilikti. Qalǵan sportshylarymyz túgel jeńildi.