Dzıýdodan álem birinshiligi: Erteń aýyr salmaqtaǵy sportshylar tatamıge shyǵady
ASTANA. QazAqparat - Erteń, 29 tamyz kúni, Astanada ótip jatqan dzıýdodan álem birinshiliginiń altynshy kúninde aýyr salmaqtaǵy sportshylar tatamıge shyǵady. Atap aıtqanda, 100 kelige deıingi jáne 100 keliden joǵary salmaqtaǵy erler beldesedi. Al áıelder arasynda 78 keli salmaqtan joǵary sportshylar baq synasady. Senbi kúngi beldesýler Astana ýaqytymen saǵat 11:00-de bastalady.
Sport jankúıerleri álem birinshiligin sátti bastaǵan Qazaq eliniń dzıýdoshylary áli de júlde alyp, halqymyzdy qýantady degen senimde. Erteń, ásirese, 2009 jylǵy álem chempıony Maksım Rakovtan úlken úmit kútemiz. Sondaı-aq qazaqstandyqtar 2009 jylǵy Azııa chempıony Gúljan Issanova da osy dodanyń bir júldesine qol jetkizedi degen senimde.
Al jeksenbi, 30 tamyz, álemdik dodanyń sońǵy kúni «Alaý» sport keshenindegi úsh tatamıde komandalar arasyndaǵy tartysty básekeler ótedi dep josparlanǵan. Ol kúni kúrester saǵat 10:00-de bastalady.
