Dzıýdodan ACh: qazaqstandyq kadetter 3 altyn, 5 qola medal jeńip aldy
NUR-SULTAN. QazAqparat – Taıbeıde dzıýdodan jasóspirimder arasynda ótip jatqan Azııa chempıonatynyń alǵashqy kúni Qazaqstan quramasy úshin sátti boldy, dep habarlaıdy QazAqparat tilshisi.
Qazaqstan dzıýdo federatsııasy málim etkenindeı, qazaqstandyq kadetter 3 altyn, 5 qola medal jeńip alyp, 17 eldiń arasynan jalpy medal kestesinde kósh bastady.
Atap aıtqanda, Álıma Jumaǵalıeva (40 kg), Nurqanat Serikbaev (50 kg), Tilegen Tynarbaı (66 kg) chempıon atandy.
Al Aslan Les (55 kg), Márlen Ádil (60 kg), Dıana Býrkeeva (44 kg), Balnur Ábdeshova (48 kg) jáne Arýjan Erejepova (48 kg) úshinshi orynǵa kóterildi.
Jasóspirimder arasyndaǵy Azııa birinshiligi jeksenbi kúni aıaqtalady. Demek, medal qoryn tolyqtyrýǵa múmkindik bar.
Eske sala keteıik, budan buryn Azııa chempıonatynda Qazaqstan jasóspirimder quramasynyń eki altyn alýdy josparlap otyrǵanyn, Zagrebte ótip jatqan Gran-prın týrnırinde Galbadrahtyń jeńimpaz atanǵanyn jazǵan bolatyn.
Zagrebtegi Gran-prı jarysynyń ekinshi kúni qazaqstandyq dzıýdoshylar úshin sátsiz boldy. Búgin Rýslan Musaev (81 kg) alǵashqy beldesýinde-aq japonııalyq Takanorı Nagasege ese jiberse, Aqylbek Serik (73 kg) pen Jansaı Smaǵulov (73 kg) ekinshi aınalymda jarys jolynan shyǵyp qaldy.
Zagreb jarysy erteń márege jetedi.
