Dzıýdodan ÁCh: Qazaqstan qorjynyna taǵy eki medal tústi
NUR-SULTAN. QazAqparat - Almatyda dzıýdodan jasóspirimder arasynda ótip jatqan álem chempıonatynda Qazaqstan qorjynyna taǵy eki medal tústi, dep habarlaıdy QazAqparat tilshisi.
Jarystyń ekinshi kúni Qazaqstan quramasynan Nursultan Zaızaǵalıev, Ádil Márlen jáne Tilegen Tynarbaı qola júlde úshin kúresýge múmkindik aldy.
60 kelige deıingi salmaqta N.Zaızaǵalıev pen Á.Márlen ózara qola medaldi sarapqa saldy. Beldesý barysynda vazarı ádisimen Nursultan alda kele jatqan-dy. Alaıda tóreshi tarapynan oǵan úsh eskertý berilip, jeńis Ádildiń enshisinde ketti.
Batysqazaqstandyq N.Zaızaǵalıev jartylaı fınalda japonııalyq dzıýdoshyǵa (keıin ol álem chempıony atandy) ese jibergen edi. Al Á.Márlen jartylaı fınalda osy birinshiliktiń kúmis júldegeri, ázerbaıjandyq Kamran Súleımanovtan vazarı ádisimen utylyp qaldy.
Taǵy bir qazaqstandyq Tilegen Tynarbaı 66 kelige deıingi salmaqta tatamıge shyqty. Ol qola júlde úshin básekede grekııalyq sportshymen beldesti. Qarsylasyna úsh márte eskertý berilgennen keıin Tilegen qola júldege ıe boldy.
Eske sala keteıik, budan buryn qazaqstandyq dzıýdoshynyń álem chempıony atanǵanyn jazǵan bolatynbyz.
Jarystyń alǵashqy kúni Nurqanat Serikbaev jeńimpaz atansa, Álıma Jumaǵalıeva qola júldege ıe bolǵan edi.
