Dzıýdodan ÁCh: Qazaqstan Avstralııany oısyrata jeńdi
ASTANA. QazAqparat - Qazaqstannyń erler quramasy Astanadaǵy dzıýdodan álem chempıonatynyń alǵashqy aınalymynan ótti, dep habarlady Vesti.kz.
Ǵabıt Esimbetov (66 kelige deıingi salmaq dárejesi), Dastan Yqybaev (73 kelige deıin), Azız Qalqamanuly (81 kelige deıin), Samat Esen (90 kelige deıin) jáne Erjan Shynkeevten (90 keliden astam) quralǵan otandyq quramy 5:0 esebimen Avstralııany oısyrata jeńdi.
Buǵan deıin Qazaqstannyń áıelder quramasy jarystan shyǵyp qalǵan edi. Olar Mońǵolııa ókilderinen súrindi.
Eske salaıyq, Astanada ótip jatqan dzıýdodan álem chempıonaty komandalyq týrnır aıaqtalǵan soń támamdalady. Jeke jarysta Qazaqstan qorjynyna Eldos Smetov "altyn" jáne Rýstam Ibraev "kúmis" ákeldi. Elordadaǵy týrnır olımpıadalyq reıtıngtiń irikteý kezeńiniń bir bóligi. Negizgi jarysy Rıo-de-Janeıroda ótedi.
