Dzıýdodan 2028 jylǵy álem chempıonaty qaıda ótedi
ASTANA. KAZINFORM — Dzıýdodan 2028 jylǵy álem chempıonaty Lozannada (Shveıtsarııa) ótedi.
Álem chempıonatyn ótkizý týraly resmı kelisimge Lozannadaǵy Grand Slam týrnıri kezinde qol qoıyldy.
Lozanna álem chempıonatyn 55 jyldan keıin qaıta qabyldamaq. Buǵan deıin Shveıtsarııa qalasynda álem chempıonaty 1973 jyly ótken. Ol kezde júldeler tek erler arasynda sarapqa salynǵan.
2028 jylǵy týrnır Los-Andjeles Olımpıadasynyń aldynda ótedi. Álem chempıonaty Olımpıada oıyndaryna irikteý kezeńderiniń biri bolmaq.
Aıta keteıik, 2027 jylǵy álem chempıonaty Qazaqstanda ótedi. Dúbirli doda Astanada uıymdastyrylyp, 2028 jylǵy Olımpıada oıyndaryna joldama beretin irikteý jarystarynyń biri bolady.
Eske salaıyq, munyń aldynda samboshy Bolat Sapar Kóshpendiler oıyndarynda altyn júlde jeńip alǵanyn habarlaǵan edik.
