Dzıýdodan 2018 jáne 2019 jylǵy álem chempıonaty ótetin elder belgili boldy
ASTANA. QazAqparat - Dzıýdo kúresinen 2018 jáne 2019 jylǵy álem chempıonaty ótkiziletin qalalar belgili boldy, dep habarlaıdy QazAqparat.
Halyqaralyq dzıýdo federatsııasy taratqan málimetterge súıensek, 2018 jylǵy álemdik doda Ázerbaıjan astanasy Bakýde uıymdastyrylmaq. Al 2019 jylǵy álem birinshiligi Japonııa astanasy Tokıo qalasynda ótetini belgili boldy.
Bakýde jyl saıynǵy «Úlken dýlyǵa» týrnırin jáne 2015 jyly Eýropalyq oıyndar ótken bolatyn. Al dzıýdonyń otany sanalatyn Japonııada 2020 jyly Jazǵy Olımpıada oıyndary ótetini anyq. 2019 jylǵy álem birinshiligi Tokıo Olımpıadasy aldyndaǵy testileý jarysy bolmaq.
