Dzıýdodadan álem chempıonaty: Ǵusman Qyrǵyzbaev kúmis júldeger atandy
NUR-SULTAN. QazAqparat – Dzıýdodan erler men áıelder arasynda Majarstan astanasy Býdapesht qalasynda ótip jatqan álem chempıonatynda qazaqstandyq Ǵusman Qyrǵyzbaev kúmis júldeger atandy, dep habarlaıdy QazAqparat tilshisi.
Jarystyń alǵashqy kúni 60 kg salmaqta qazaqtyń qos birdeı sportshysy sheshýshi beldesýlerge shyqty.
Áskerıler arasynda álem chempıony Ǵusman Qyrǵyzbaev jartylaı fınalda frantsııalyq Valıde Hııardy qapy qaldyrdy.
Sodan keıin fınalda reseılik ıAgo Abýladzemen tatamıge shyqty. Sheshýshi beldesýde reseılik dzıýdoshy shıraq kúresip, taza jeńiske jetti.
Taǵy bir qazaqstandyq, jastar arasynda 2015 jylǵy álem chempıony Maǵjan Shámshádın jartylaı fınalǵa deıin qarsylas shaq keltirmeı, onda ıA.Abýladzege ese jiberdi.
Qola júlde úshin básekede Maǵjan ázirbaıjandyq Karamat Hýseınovpen beldesti. Qosymsha ýaqytta jeńis K.Hýseınovtiń enshisinde ketti. M.Shámshádın besinshi oryndy qanaǵat tutty.
Áıelder arasynda 48 kg salmaqta Otgontsetseg Galbadrah pen Ábıba Ábýjaqynova júldeden tys qaldy.
Rıo Olımpıadasynyń qola júldegeri O.Galbadrah úshinshi aınalymda Monǵolııada júrgende, óziniń jolyn ylǵı bógegen burynǵy otandasy Ýrantsegeg Mýnhbatpen básekede úsh shıdo alǵandyqtan ǵana ese jiberdi. Ý.Mýnhbat bul birinshilikte qola júldege ilikti.
Eske sala keteıik, budan buryn dzıýdodan álem chempıonatyna baratyn Qazaqstan quramasy anyqtalǵanyn jazǵan bolatynbyz.
