Dzıýdo: Jastarymyz Eýropa kýbogynda 2 altyn jeńip aldy
ASTANA. QazAqparat - Qazaqstan jastar quramasy Avstrııanyń Leıbnıts qalasynda ótken dzıýdodan Eýropa kýbogynda 2 altyn, 1 kúmis jáne 2 qola medalǵa ıe boldy, dep habarlaıdy QazAqparat tilshisi.
Halyqaralyq dodaǵa el namysyn qorǵaýǵa 30 dzıýdoshymyz attanǵan bolatyn. Nátıjesinde 2 altyn, 1 kúmis jáne 2 qola medalǵa ıe bolyp, komandalyq esepte medal sany boıynsha jarysty ІІІ orynmen aıaqtady.
Bul synda 4 altyn, 1 qola ıelengen Japonııa jastary kósh bastasa, ekinshi orynǵa 2 altyn, 2 kúmis, 4 qola medalmen enshilegen Reseı sportylary ıe boldy.
Alǵashqy altyn medalǵa 60 keli salmaqta Nursultan Seráli qol jetkizse, ekinshi altyndy 66 keli salmaqta synǵa túsken Sunǵat Jubathan qanjyǵasyna baılady. Al jalǵyz kúmisti 60 kelide óner kórsetken Jasulan Otarbek jeńip alsa, qos qolaǵa jastarymyzdan 55 kelidde synǵa túsken Baýyrjan Narbaev pen 73 kelide óner kórsetken Barys Qýan ıe boldy.
