Dzıýdo: Jansaı Smaǵulov Tashkenttegi Grand Slam týrnıriniń fınalyna shyqty
NUR-SULTAN. QazAqparat - Dzıýdodan Tashkentte ótip jatqan Grand Slam týrnırinde qazaqstandyq Jansaı Smaǵulov aqtyq synǵa joldama aldy, dep habarlaıdy QazAqparat Olympic.kz saıtyna silteme jasap.
Jartylaı fınalda Jansaı armenııalyq Ferdınand Karapetıanmen kezdesti. Tartysty jekpe-jektiń negizgi ýaqytynda jeńimpaz anyqtalǵan joq. Al qosymsha ýaqytta Smaǵulov «vazzarı» upaıyn enshilep, fınalǵa joldama aldy.
Aqtyq synda Jansaı mońǵolııalyq Tsogbataar Tsend Ochırmen altyn júldege talasady.
Aıta ketelik, Smaǵulov jartylaı fınalda beldesken Karapetıan óz tobynda Olımpıada júldegeri, ázerbaıjandyq Rýstam Orýdjevti jeńgen bolatyn.