Dzıýdo: Jansaı Smaǵulov álemdik týrnırde júldeger atandy
NUR-SULTAN. QazAqparat - Tel-Avıvte (Izraıl) dzıýdodan ótip jatqan álemdik «Grand Slam» týrnırinde Qazaqstan qorjynyna taǵy bir medal tústi, dep habarlaıdy QazAqparat tilshisi.
Jarystyń ekinshi kúni 73 kg salmaqta tatamıge shyqqan Jansaı Smaǵulov oljaly boldy.
Ol doda barysynda áýeli grýzııalyq Georgıı Chıkhelıdzeni utty. Sodan keıin ıtalııalyq Djovannı Esposıtodan basym tústi. Tek jartylaı fınalda ózbekstandyq Obıdhon Nomonovqa ese jiberdi.
Qola júlde úshin básekede Jansaı germanııalyq Igor Vındtkeden aılasyn asyrdy.
Osylaısha Qazaqstan qorjynyna taǵy bir medal tústi.
Eske sala keteıik, budan buryn Baýyrjan Narbaevtyń kúmis júldeger atanǵanyn jazǵan bolatynbyz.
Sondaı-aq keshe Maǵjan Shamshadın úzdik úshtikke ilikti.
