Dzıýdo: Jambyldyq jasóspirimder el chempıonatynda kósh bastady
NUR-SULTAN. QazAqparat - Qostanaıda dzıýdodan jasóspirimder arasynda ótken Qazaqstan chempıonatynyń qorytyndysy boıynsha Jambyl oblysy medaldar sany jaǵynan kósh bastady, dep habarlaıdy QazAqparat.
QR Dzıýdo federeatsııasynyń baspasóz qyzmeti habarlaǵandaı, Qostanaıda dzıýdodan jasóspirimder arasyndaǵy Qazaqstan Chempıonatynyń jekeleı saıystary aıaqtaldy.
El birinshiligine Qazaqstannyń 14 oblysy men Nur-Sultan, Almaty jáne Shymkent qalasynan barlyǵy 395 dzıýdoshy qatysty.
Úsh kúnge sozylǵan dúbirli dodada 2003-2004 jyly týǵan jasóspirimder ózara baq synady. Jarys nátıjesi boıynsha 2020 jyly halyqaralyq dodadalarda el namysyn qorǵaıtyn Qazaqstan jasóspirimder qurama komandasy jasaqtalady.
Jasóspirimder arasynda ótken Qazaqstan chempıonatynyń jekeleı saıystarynyń nátıjesi boıynsha jalpy komandalyq esepte medal sany boıynsha Jambyl oblysynń quramasy kósh bastady.
Jambyldyq balýandar 4 altyn, 2 qola júldege ıe boldy. Al ekinshi oryndy 3 altyn, 2 kúmis jáne 3 qola júldeni ıelengen Almaty oblysynyń balýandary jeńip aldy. Qorjynynda 3 altyn, 1 kúmis jáne 1 qola júldesi bar Qostanaı oblysy úzdik úshtikti qorytyndylady.
Sondaı-aq, jarys barysynda jasóspirim ul-qyzdar arasynda úzdik sportshylar anyqtaldy. Qostanaılyq Jansaıa Erqýanyshova jasóspirim qyzdar arasynda úzdik tanylsa, Almaty oblysynyń dzıýdoshysy Almat Serikbaev jasóspirim uldar arasyndaǵy úzdik sportshy ataǵynaa ıe boldy.
