Dzıýdo: Shymkentte qala birinshiligi ótti

ShYMKENT. QazAqparat – Shymkent qalasyndaǵy №1 olımpıada rezervin daıyndaıtyn sport mektebinde dzıýdo kúresinen qala birinshiligi ótti. Sporttyq sharaǵa qatysqan 800-ge jýyq jas palýan ózara myqtyny anyqtady, dep habarlaıdy QazAqparat tilshisi.

Tórtjyldyqtyń basty dodasy - olımpıada men álem chempıonattarynda, túrli halyqaralyq dodalarda kúres erejeleri men tártibi ózgerýde. Osyǵan oraı, dzıýdo kúresinen ótip jatqan jasóspirimder arasyndaǵy ashyq birinshilikte mamandar álemdik tájirıbege súıenip, jarysty jańasha baǵytta ótkizdi.

Saıysqa 2006-2007, 2008-2009 jyly týǵan jas órender qatysty. Olardyń arasynda ár sport mektebinen oza shapqan jasóspirimder bar. Bul saıys aldaǵy kezde ótetin Qazaqstan chempıonatyna irikteý jarysy boldy.

Sondaı-aq, 16 salmaq dárejesinde jeńimpaz atanǵandar maýsym aıynda ótetin QR chempıonatynda ishki jastar arasyndaǵy jarysqa joldama aldy.

Aıta keteıik, olımpıada oıyndarynda kóptep medalder jıyntyǵyn beretin dzıýdo sporty shymshaharda qarqyndy damyp keledi.