Dzıýdo: Rýstam Ibraev Dıýsseldorf qalasynda ótken gran-prı jarysynda qola medalǵa ıe boldy
ASTANA. QazAqparat - Qazaqstandyq dzıýdoshy Rýstam Ibraev Germanııanyń Dıýsseldorf qalasynda ótken gran-prı jarysynda qola medalǵa qol jetkizdi, dep habarlady Sporttyq jekpe-je jáne kúsh qoldanylatyn sport túrleri konfederatsııasynyń baspasóz qyzmetinen.
60 keli salmaq dárejesinde beldesken Rýstam Ibraev jerebe qorytyndysy boıynsha birinshi aınalymnan ótip, keleside Brıtanııa sportshysy Eshlı Makkenzıden basym tústi. Kelesi jekpe-jekte ol álem chempıony, japon palýany Naohısı Takatony tize búktirdi.
Jartylaı fınalǵa joldama úshin kúreste Ibraev álem chempıonatynyń júldegeri ońtústikkoreıalyq Kım Von Djınnen utylyp qaldy. Keıin jerlesimiz frantsýz sportshysy Vınsenta Lımardy utyp, tarazyǵa qola júlde qoıylǵan aqtyq synda Eýropa chempıony grýzııalyq Amıran Papınashvılıdi jeńdi. Búgin, Dastan Yqybaev pen Ertýǵan Tórenov (73 kg), Azız Qalqamanuly (81 kg), Islam Bozbaev pen Tımýr Bolat (90 kg), Maksım Rakov jáne Vıktor Demıanenko (100 kg), Rýslan Abdrazaqov (100 kg astam) boz kilemge shyǵady.
