DZıÝDO: R.Ybyraev Japonııada ótip jatqan halyqaralyq týrnırde qola júldeni jeńip aldy
ASTANA. QazAqparat - Qazaq dzıýdoshysy Rýstam Ybraev Japonııada ótip jatqan «Úlken Dýlyǵa» iri halyqaralyq týrnırinde júldeger atandy, dep habarlady sportnews.kz.
60 kelide beldesken Rýstam alǵashqy kezdesýde ıemendik Álı Hýsrofty, ekinshi kezdesýde tanymal japondyq balýan Shındjı Kıdony jeńdi. Sodan soń, chehııalyq Davıd Pýlkrabekten aılasyn asyrǵan. Ókinishtisi, jartylaı fınalda álem chempıonatynyń qola júldegeri, ońtústik koreıalyq Djın Von Kımnen utyldy. Tokıodaǵy týrnırdiń qola júldesi úshin kúreste Ybraev Eýropa chempıonatynyń júldegeri, ızraıldik Artem Arshanskoıdy jeńdi. Aıta ketý kerek, aqtóbelik Rýstam Ybraev bıyl Shymkentte ótken Qazaqstan birinshiliginde tuńǵysh ret el chempıony atanǵan. «Úlken Dýlyǵa». 60 keli. Qorytyndy: 1. Djın Von Kım (Ońtústik Koreıa) 2. Torý Shıshıme (Japonııa) 3. Rýstam Ybraev (Qazaqstan), ıÝma Oshıma (Japonııa).
