Dzıýdo: Mońǵolııadaǵy Grand Slam týrnırine qatysatyn qazaqstandyqtar belgili boldy
ASTANA. KAZINFORM – 25-27 shilde aralyǵynda Ulan-Batyr (Mońǵolııa) qalasynda dzıýdodan kezekti Grand Slam týrnıri ótedi. Bul týraly UOK habarlady.
Halyqaralyq dzıýdo federatsııasynyń (IJF) málimetinshe, atalmysh jarysqa qatysatyn qazaqstandyq balýandardyń tizimi tómendegideı:
60 kelige deıin: Talǵat Orynbasar, Nuradil Áljan
66 kelige deıin: Erjen Erenǵaıypov, Baýyrjan Narbaev
73 kelige deıin: Saıat Seıitqalıev
81 kelige deıin: Meıirjan Jumabek
90 kelige deıin: Ermahan Ánýarbekov
Al áıelder arasyndaǵy saıysta Tolǵanaı Ábeýova (52 kelige deıin) baq synaıdy.
Eske sala keteıik, buǵan deıin kúresten Býdapeshtte ótetin halyqaralyq týrnırge qatysatyn sportshylar belgili boldy.
