Dzıýdo: Qazaqstandyq Tashkenttegi Gran-prıdiń júldegeri atandy
ASTANA. QazAqparat - Qazaqstandyq dzıýdoshy Erasyl Qajybaev Tashkentte Gran-prı kezeńiniń qola júldegeri atandy, dep habarlaıdy QazAqparat tilshisi.
Asa aýyr salmaqta (+100 kg) kúresken Erasyl qola júlde úshin básekede ózbekstandyq Ihtıor Qalmuratovpen tatamıge shyqty.
Zal toly jankúıerlerdiń ózbekstandyq dzıýdoshyny qoldaǵanyna qaramastan, Erasyl ony ıppon ádisimen taza jeńdi.
Osylaısha bıyl qazaq kúresinen «Qazaqstan barysy» týrnıriniń fınalyna shyǵyp, kúmis júldeni qanjyǵasyna bóktergen E.Qajybaev dzıýdodan Gran-prı týrnırinde alǵash ret medalǵa qol jetkizdi.
Bul - osy jarystaǵy Qazaqstan quramasynyń qorjynyndaǵy ekinshi júlde.
Eske sala keteıik, keshe Dıdar Hamzanyń Tashkent týrnırinde altynnan alqa taqqanyn jazǵan bolatynbyz.
Foto: https://fdk.kz/
