Dzıýdo: Qazaqstandyq balýandar halyqaralyq týrnırde úsh medal aldy
NUR-SULTAN. QazAqparat - Izraılde máresine jetken dzıýdodan halyqaralyq týrnırde qazaqstandyq sportshylar bir kúmis jáne eki qola medal jeńip aldy, dep habarlaıdy QazAqparat tilshisi.
Aıta ketsek, dzıýdodan Qazaqstan quramasy Izraıl astanasy Tel-Avıv qalasynda 17-19 aqpan aralyǵynda ótken álemdik «Grand Slam» jarysynda baq synady. Onda qazaqstandyq balýandar bir kúmis jáne eki qola medal aldy.
El quramasynan 60 kelige deıingi salmaqta Baýyrjan Narbaev kúmis júlde ıelense, Maǵjan Shamshadın (60 keli) men Jansaı Smaǵulov (73 keli) qola medalǵa qol jetkizdi.
Jarystyń úshinshi oıyn kúninde qazaqstandyq Nazgúl Maratovanyń (78 keli) da júldegerler qatarynan kórinýine múmkindigi bar edi. Ol jubanysh fınalyna shyqqan bolatyn. «Qola» úshin talasta qarsylasyna jol berdi.
Aıta ketsek, atalǵan jarysqa elimizdiń erler jáne áıelder quramasynan barlyǵy 25 sportshy qatysty.
