Dzıýdo: Qazaqstan jastar quramasy álem chempıonatyn bir qolamen aıaqtady
NUR-SULTAN. QazAqparat - Dzıýdodan Qazaqstan jastar quramasy álem chempıonatynda aralas-komandalyq syn boıynsha jarys jolyn aıaqtady, dep habarlaıdy QazAqparat Olympic.kz-ke silteme jasap.
Qazaqstan jastar quramasy alǵashqy beldesýin Italııaǵa qarsy ótkizdi. Ekeýara komanda arasyndaǵy kezdesý 4:1 esebimen qarsylas komandanyń enshisine sheshildi.
Aıta keterligi, el quramasynyń sapynan tek 73 kelide tatamıge shyqqan Danııar Shamshaev qana qarsylasynan basym tústi. Qalǵan jas dzıýdoshylar jeńilis tapty.
Sonymen, Qazaqstan jastar quramasy álem chempıonatyn bir qola júldemen aıaqtady. Ony 60 kelide beldesken Sherzod Davlatov oljalaǵan bolatyn.
