Dzıýdo: Qazaqstan quramasy álemdik «Grand Slam» týrnırine qatysady
ASTANA. QazAqparat - Frantsııanyń Parıj qalasynda 10-11 aqpan kúnderi dzıýdodan álemdik «Grand Slam» týrnıri ótedi, dep habarlaıdy QazAqparat QR Dzıýdo federatsııasynyń baspasóz qyzmetine silteme jasap.
Atalǵan álemdik dodaǵa 74 memleketten eń tańdaýly 445 dzıýdoshy qatysady dep josparlanǵan. Qazaqstan erler quramasy bul jarystan tys qalady. Al el namysyn qorǵaýǵa Qazaqstan áıelder komandasynan úsh balýan qorǵamaq.
Olar - 48 keli salmaqta Aqmaral Naýatbek, 52 keli salmaqta Kámshat Qarasaıqyzy jáne 57 keli salmaqta Anna Kazıýlına.
«Grand Slam» týrnırinde bas j.ldeni jeńip alǵan balýanǵa 1000 upaı berilse, ekinshi orynǵa ıelik etken balýanǵa 700 upaı beriledi. Al úzdik úshtikti túıindegen balýandar 500 upaıǵa ıelik etedi.
