Dzıýdo: Qazaqstan álem chempıonatyn 9-orynda aıaqtady
ASTANA. QazAqparat - Qazaqstandyq dzıýdoshylar Horvatııa astanasy Zagreb qalasynda ótken jastar arasyndaǵy álem chempıonatyn úsh medalmen aıaqtaldy, dep habarlaıdy QazAqparat tilshisi.
QR Dzıýdo federatsııasy baspasóz qyzmetiniń bergen málimetine súıensek, Qazaqstan jastar quramasy 3 medalmen 82 el ishinde toǵyzynshy orynǵa ıe boldy.
Bul álem birinshiliginde medaldar sany boıynsha Japonııa jastary (8 altyn, 2 kúmis, 4 qola) kósh bastady. Ekinshi orynǵa Ázerbaıjan dzıýdoshylary (2 altyn, 2 kúmis, 1 qola) jaıǵassa, Reseı quramasynyń jastary (1 altyn, 2 kúmis, 2 qola) úzdik úshinshi orynǵa ıe boldy.
Álem chempıonatynyń alǵashqy kúninde Abıba Ábýjaqynova (44 kg) kúmiske qol jetkizse, Baýyrjan Narbaev (55 kg) qola medalǵa ıe boldy. Jarystyń ekinshi kúni 73 kelige deıingi salmaq dərejesinde beldesken balýanymyz Dıdar Hamza Qazaqstan qorjynyna ekinshi qola medal saldy. Osylaısha otandastarymyz bir kúmis, eki qola medalǵa qol jetkizdi. Al komandalyq jarysta Qazaqstan quramasy 5-orynǵa turaqtady.
Esterińizge sala ketsek, Horvatııa astanasy Zagrebte ótken álem birinshiligine álemniń 82 elinen 584 dzıýdoshy qatysty. Qazaqstan namysyn 20 jas dzıýdoshy qorǵady.
