Dzıýdo: Qazaq arýlary Bakýde 7 medal jeńip aldy
ASTANA. QazAqparat - Bakýde túrki tildes halyqtar arasyndaǵy stýdentter oıyndarynda dzıýdo boıynsha saıystar aıaqtaldy, dep habarlaıdy QazAqparat.
QR Dzıýdo federatsııasynyń baspasóz qyzmeti taratqan málimetterge súıensek, atalǵan dodada Qazaqstan quramasynan qatysqan barlyq dzıýdoshylar jeńis tuǵyrynan kórinip, el namysyn abyroımen qorǵady. Olar el qorjynynda 4 altyn, 2 kúmis jáne 1 qola medal saldy.
Aıtalyq, altyndy 52 keli salmaqta Dıana Aıpova, 63 keli salmaqta Aıgerim Jumadilda, 70 keli salmaqta Dilbar Ómiralıeva jáne Nurǵanym Turshabek qanjyǵasyna baılasa, qos kúmisti 57 keli salmaqta synǵa túsken Dınara Abıldaeva men 48 keli salmaqta el namysyn qorǵaǵan Abıba Abýjaqynova jeńip aldy.
Al jalǵyz qola medalǵa 78 keli salmaqta Azıza Marova ıelik etti.
Foto QR Dzıýdo federatsııasy saıtynan
