Dzıýdo: Kadetter Azııa chempıonatyn sátti bastady
ASTANA. QazAqparat - Lıvan astanasy Beırýtte dzıýdodan kadetter arasynda Azııa chempıonaty bastaldy, dep habarlaıdy QazAqparat tilshisi.
Aıtýly dodany otandastarymyz sátti bastap, básekeniń birinshi kúni 2 altyn, 2 kúmis, 3 qola medalǵa qol jetkizdi.
Alǵashqy altyn medalǵa 55 keli salmaqta synǵa túsken Sherzod Davlatov ıe bolsa, el qorjynyna ekinshi altyn júldeni 60 kelide baq synaǵan Danııar Shamshıev saldy.
Eki kúmistiń birin 50 keli salmaqtaǵy balýanymyz Nurdaýlet Amanqosov jeńip aldy, al ekinshisin 40 kelide qyzdar arasynda synǵa túsken Qundyz Jylqybaı qanjyǵasyna baılady. Al úsh qola medaldiń ekeýin qyzdar arasynda synǵa túsken Aıaýlym Qýanyshova (48 keli) men Tolǵanaı Abeýova (52 keli) jeńip alsa, úshinshi qola júldeni erler arasynda 66 kelide óner kórsetken Almas Ýalı enshiledi.
