Dzıýdo: «Grand Slam» týrnıriniń alǵashqy kúni qazaqstandyqtar júldesiz qaldy
ORAL. QazAqparat – Germanııanyń Dıýsseldorf qalasynda ótip jatqan «Grand Slam» týrnıriniń alǵashqy kúni qazaqstandyqtar júldesiz qaldy, dep habarlaıdy QazAqparat tilshisi.
Qazaqstan dzıýdo federatsııasy málim etkenindeı, búgin erler 60, 66, al áıelder 48, 52 jáne 57 kelige deıingi salmaq dárejelerinde tatamıge shyqty.
Anna Kazıýlına (52 kg) birinshi beldesýinde Perý sportshysynan jeńilip qaldy.
Erlerden Maǵjan Shamshadın men Dáýren Súıeýkenov (ekeýi de – 60 kg) ekinshi aınalymda qarsylastaryna ese jiberdi.
Erlan Serikjanov 66 kg salmaqta aldymen Zıad Aýndy (IJF), sodan keıin Saını Ýaıldy (Úndistan) tize búktirdi. Alaıda shırek fınaldyq joldama úshin beldesýde grýzııalyq dzıýdoshy Vaja Margvelashvılıge ese jiberip, jarys jolynan shyǵyp qaldy.
Rıo Olımpıadasynyń qola júldegeri Galbadrah Otgontsetseg densaýlyǵynyń syr berýine baılanysty bul jarysqa qatysa alǵan joq.
Eske sala keteıik, budan buryn «Grand Slam» týrnıriniń alǵashqy kúni qazaqstandyq úsh balýannyń beldesýge shyǵatynyn jazǵan bolatynbyz.
