Dzıýdo: Eýropa kýbogynda qazaqstandyq balýandar kúmis pen qola aldy
ASTANA. QazAqparat - Italııa astanasy Rım qalasynda ótip jatqan dzıýdodan erler arasyndaǵy Eýropa kýbogynda Qazaqstan qorjynyna bir kúmis jáne qola medal tústi, dep habarlaıdy QazAqparat tilshisi Qazaqstan dzıýdo federatsııasynyń Facebook áleýmettik jelisindegi paraqshasyna silteme jasap.
Eýropa kýbogynda 60 kelide fınalǵa shyqqan Dáýren Súıkenov kúmis medaldy qanaǵat tutty. Ol aqtyq synda ázerbaıjandyq Orýj Valızadaǵa ese jiberip qoıdy.
Baýyrjan Jaýyntaev búgingi jubanysh fınalynda mońǵolııalyq Enhtaıvan Arıýnboldty qosymsha ýaqytta ıpponmen jeńdi. Bul jeńis Baýyrjanǵa qola júlde syılady.
Al taǵy bir balýanymyz 66 kelide Erlan Jaqsybekov 5-orynmen aıaqtady. Ol jubanysh fınalynda ıspanııalyq Danıel Roman Perezge ese jiberdi.
Aıta keterligi, atalmysh jarysqa bizdiń elimizdiń quramasy sapynda 22 balýan qatysty.
