Dzıýdo: Eýropa ashyq kýbogynda el namysyn kimder qorǵaıdy
ASTANA. QazAqparat - Aldaǵy demalys kúnderi, ıaǵnı 3-4 naýryz kúnderi Chehııada (Praga) dzıýdodan Eýropa ashyq kýbogy ótedi, dep habarlaıdy QazAqparat.
QR Dzıýdo federatsııasynyń baspasóz qyzmeti taratqan málimetterge súıensek, atalǵan dodada Qazaqstan namysyn 24 (10 er, 14 áıel) tatamı sheberi qorǵaıdy.
Erler arasynda 60 keli salmaqta eki birdeı balýanymyz Qylysh Erenǵaıypov pen Jeńisbek Jaqsybek synǵa tússe, 66 kelide Baýyrjan Saǵynǵalıuly, 73 keli salmaqta Ádilet Seıilhanov pen Nurlan Orazalın beldesse, 81 keli salmaqta Elaman Qoıshybaev, 90 keli salmaqta Almas Akrashev el namysyn qorǵaıdy. Al 100 kelige deıingi salmaqta da eki balýanymyz Nurym Sálimgereev pen Maqsat Isaǵabylov bozkilemge shyqsa, asa aýyr salmaqta Ǵalymjan Qyryqbaıǵa úmit artatyn bolamyz.
Al áıelreden 48 keli salmaqta Aqmaral Naýatbek pen Abıba Abýjaqynova synǵa tússe, 52 keli salmaqta úsh birdeı arýymyz Kamshat Qarasaıqyzy, Nazgúl Elmuratova jáne Aıdana Býgylbaeva el namysyn qorǵamaq. 57 keli salmaqta Gaýhar Dúkenbaıǵa úmit artsa, 63 keli salmaqta tórt birdeı qyzymyz Iolanta Berdibekova, Nazgúl Qubasheva, Dilbar Ómiralıeva jáne Aqnıet Turdan júldege talasatyn bolady.
70 keli salmaqta Dınara Qudarova men Ajar Salyqova synǵa tússe, 78 kelige deıingi salmaqta Nazgúl Maratova el namysyn qorǵaıdy.
Sondaı-aq, áıelder arasynda aýyr salmaqta ( +78 kg) Saıda Kapsalıakov boz kilemge shyǵady.
