Dzıýdo: Eldos Smetov Gýanchjoýda Masters týrnıriniń qola júldegeri atandy
ORAL. QazAqparat - Qazaqstandyq dzıýdoshy Eldos Smetov Qytaıdyń Gýanchjoý qalasynda ótip jatqan Masters týrnıriniń qola júldegeri atandy, dep habarlaıdy QazAqparat tilshisi.
Eldos 60 kg salmaqta irikteý saıysynda AQSh pen Ispanııa balýandaryn tize búktirdi.
Óz tobyndaǵy sheshýshi básekede ózbekstandyq Sharafýddın Lýftıllaevpen kezdesti. Tartysty beldesý «altyn upaıǵa» deıin sozylyp, Eldos qosymsha ýaqytta vazarı ádisimen basym tústi.
Jartylaı fınalda E.Smetov reseılik Robert Mshvıdobadzege ese jiberdi. Keıin osy balýan fınalda grýzııalyq qarsylasyn utyp, chempıon atandy.
Qazaqstandyq dzıýdoshy qola júlde úshin básekede taǵy bir reseılik Islam ıAshýevtiń meselin qaıyrdy.
66 kg salmaqta kúresken Eldos Jumahanov ta qola júldege jaqyn turdy. Alaıda ol sheshýshi beldesýde mońǵol balýanynan taza jeńilip qaldy.
