Dzıýdo: Eldos Smetov Grand Slam jarysyna qatysady
NUR-SULTAN. QazAqparat – Eldos Smetov bastaǵan el quramasy Ábý-Dabıde ótetin Grand Slam jarysyna qatysady, dep habarlaıdy QazAqparat tilshisi.
Qazaqstan dzıýdo federatsııasy málim etkenindeı, qazirgi tańda ulttyq qurama músheleri Almaty oblysynda ornalasqan AIBA sport bazasynda jattyǵýda.
Bas bapker Aıdyn Smaǵulovtyń aıtýynsha, álem chempıonatynan keıin komandada aıtarlyqtaı ózgeris joq.
«Bári de babynda, báriniń de kóńil-kúıleri jaqsy. Ábý-Dabıden basqa Osakada ótetin Gran-prı týrnırine reıtıngtegi upaıy azdaý sportshylardy aparamyz. Jeltoqsan aıynda jyldyń qorytyndy jarysy – úzdik 16 sportshy qatysatyn Masters dodasy bar. Al 2020 jyl, Olımpıada jyly Izraıldegi týrnırmen bastalady. Reıtıngtegi upaıymyz jaman emes, komandanyń basym bóligi Tokıoǵa joldama alady degen senim bar», – dedi A.Smaǵulov.
Sonymen, 24-26 qazan kúnderi Ábý-Dabıde ótetin baıraqty básekege Qazaqstannan 16 sportshy qatysady.
Erler:
Eldos Smetov
Ǵusman Qyrǵyzbaev
Eldos Jumaqanov
Erlan Serikjanov
Jansaı Smaǵulov
Dıdar Hamza
Rýslan Mýsaev
Islam Bozbaev
Arman Qalıev
Aıbek Serikbaev
Ǵalymjan Qyryqbaı
Erasyl Qajybaev
Áıelder:
Anna Kazıýlına
Sevara Nıshanbaeva
Iolanta Berdibekova
Zere Bektasqyzy.
