Dzıýdo: Eldos Smetov - álem chempıony!
ASTANA. QazAqparat - Búgin Astanada ótip jatqan dzıýdo kúresinen álem chempıonatynda 60 keli salmaqta jerlesimiz Eldos Smetov Qazaqstan qorjynyna alǵashqy altyndy saldy. Aqtyq synda Eldos taǵy bir qazaq balýany R.Ybraevpen joly túıisken bolatyn.
Osylaısha Qazaqstan qos birdeı júlde - altyn jáne kúmis medaldy enshiledi.
Buǵan deıin habarlaǵanymyzdaı, elimizde alǵash ret ótip otyrǵan baıraqty básekede 137 memleketten 800-den astam sportshy kúsh synaýda.
Tamyzdyń 30-yna deıin jalǵasatyn dodaǵa 1000-ǵa jýyq qonaq keldi. Olardyń qatarynda bapkerler men federatsııa basshylary, sondaı-aq basqa da laýazym ıeleri bar.
Jarys erler men qyzdar arasynda 7 salmaq dárejesi boıynsha ótedi. Sondaı-aq, sońǵy kúni komandalar ózara synǵa túsedi. Bul jarysta el namysyn dzıýdodan álem chempıony Maksım Rakov, álem chempıonatynyń kúmis júldegeri Azamat Muqanov, Azııa oıyndarynyń chempıony Eldos Smetov pen Olımpıada oıyndaryna qatysqan Aleksandra Podrıadova men Gúljan Isanova syndy sportshylarymyz qorǵaıdy.
