Dzıýdo: Eki sportshy jarysty aıaqtady, ekeýi kelesi kezeńde

ASTANA. KAZINFORM - Portýgalııada dzıýdodan jyldyń alǵashqy resmı jarysy – álemdik Gran-prı týrnıri bastaldy. 

Búgin Qazaqstan sapynan synǵa túsken eki sportshy týrnırdi aıaqtasa, eki balýanymyz alǵashqy beldesýde qarsylastaryn jeńip, kelesi kezeńge joldama aldy. 

Atap aıtar bolsaq, 60 kelidegi Dáýren Súıeýkenov birinshi beldesýde japon balýanyna ese jiberse, 66 kelidegi Nursultan Zaızaǵalıev tyıym salynǵan ádis jasaǵany úshin jarystan shettetildi.

Al 66 kelidegi Janarys Rahmetqalıev Ońtústik Koreıadan kelgen qarsylasy Kım Chaneongti utyp, kelesi kezeńge ótti. Sonymen qatar qyzdar arasynda 48 kelidegi el namysyn qorǵap jatqan balýanymyz Ábıba Ábýjaqynova da qarsylasyn qapy qaldyryp, kelesi kezeńge shyqty.